Shefi i Agjencisë për Sport, Fidan Shatri ka publikuar statistikat të vlerës totale të sponsorizimeve në Kosovë gjatë vitit 2025, e cila kap shifrën e 24,456,036.98 eurove.
Shumica e këtyre mjeteve është drejtuar drejt klubeve sportive, ndërsa federatat kanë përfituar mbështetje për aktivitetet e tyre dhe zhvillimin e sportit në përgjithësi.
Nga kjo shumë, klubet kosovare kanë përfituar mbi 21 milionë e 308 mijë euro, ndërsa federatat 2 milionë e 737 mijë euro.
Pas Federatës së Futbollit të Kosovës, e cila ka përfitguar 1.313.000 euro, prin klubi i basketbollit Golden Eagle Ylli me 1.242.000 euro, e pasuar nga Trepça me 1.239.000 euro.
Nga klubet e futbollit, prin klubi i Prishtinës me 1.133,500 euro, pasuar nga Ballkani me 941.500 euro.
Ky nivel i investimit tregon se sponsorizimi është shndërruar në një mekanizëm kyç për funksionimin dhe profesionalizimin e sportit në vend.
Shatri ka thënë se kjo rritje gjithashtu nënvizon nevojën që në të ardhmen të forcohet korniza ligjore dhe institucionale, në mënyrë që sistemi i sponsorizimit të jetë më transparent, i drejtë dhe efektiv, duke siguruar zhvillim të qëndrueshëm për sportin kosovar.
HisariOnline – Më afër lajmit, vetëm e vërteta!
