Sulmuesi i kombëtares së Kosovës, Edon Zhegrova pritet që të bëjë startin e tij të parë me Juventusin sonte.
Skuadra nga Torino do të luajë në Kupën e Italisë ku do të presë skuadrën e Udineses në shtëpi, dhe Luciano Spalleti pritet t’i bëjë disa rotacione për këtë duel.
Siç raporton gazeta italiane ‘TuttoSport’, njëri nga ta është ylli kosovar, Edon Zhegrova, i cili pritet që më në fund të nisë një ndeshje nga minuta e parë me ‘biankonerët’.
Nëse konfirmohet titullar, Zhegrova do të ketë shansin të tregojë cilësitë e tij dhe të forcojë pozitat për minutazhe më të mëdha në vazhdim të sezonit.
