Në Rahovec janë gjetur mbetje eshtërore që dyshohet se i përkasin një personi të zhdukur gjatë luftës në Kosovë.
Sipas raportit të Policisë së Kosovës, mbetjet janë gjetur gjatë procesit të gërmimit të realizuar nga njësitë policore të Sektorit për Hetimin e Personave të Zhdukur gjatë Luftës, në koordinim me Institutin e Mjekësisë Ligjore (IML).
Pas nxjerrjes nga vendi i ngjarjes, mbetjet eshtërore janë tërhequr dhe janë dërguar në IML për ekzaminime mjeko-ligjore, me qëllim të identifikimit.
/HisariOnline/
