Një aksident i rëndë rrugor në provincën Boumerdes të Algjerisë u ka marrë jetën të paktën 25 personave, ndërsa 44 të tjerë kanë mbetur të plagosur.
Agjencia e Mbrojtjes Civile bëri të ditur se autobusi që transportonte viktimat dhe të lënduarit është përmbysur, duke sjellë këtë bilanc tragjik, raporton Hisarionline.net.
Personat e plagosur janë dërguar në spitalet më të afërta, ku po marrin ndihmën e nevojshme mjekësore.
