Ish-kryeinspektori i Agjencisë Kosovare të Inteligjencës dhe njohësi i çështjeve të sigurisë, Burim Ramadani, ka shkruar rreth takimit që po zhvillohet mes kryetarit të Lëvizjes Vetëvendosje Albin Kurti dhe atij të Lidhjes Demokratike të Kosovës (LDK), Lumir Abdixhiku.
Përmes një statusi në Facebook, Ramadani ka thënë se do të ishte shumë pozitive nëse arrihet një marrëveshje për Presidentin.
Sipas tij, ky përafrim mes dy palëve nuk është gabim.
“Ka mundësi të marrëveshjes për President. Dhe, kjo do të ishte më pozitive sesa shkuarja sërish në zgjedhje. Përafrimi i palëve (në këtë rast LV dhe LDK) nuk është gabim. Është tejkalim i staus-quo që ka zënë rrënjë”, ka shkruar ai në Facebook.
HisariOnline – Më afër lajmit, vetëm e vërteta!
