Lëvizja Vetëvendosje ka bërë të ditur se gjatë këtij viti do të organizojë zgjedhjet e saj të brendshme.
Kjo u konfirmua në një mbledhje të mbajtur me qendrat e Lëvizjes Vetëvendosje, ku morën pjesë kryetari i partisë dhe njëherazi kryeministri i Kosovës, Albin Kurti, sekretari organizativ Alim Rama dhe koordinatori i qendrave Salih Zyba.
Sipas njoftimit të partisë, në takim u diskutuan çështje të përgjithshme organizative, ndërsa një nga temat kryesore ishte përgatitja për procesin e zgjedhjeve të brendshme që pritet të zhvillohet brenda këtij viti.
Gjatë mbledhjes, Kurti falënderoi strukturat dhe qendrat e Lëvizjes për angazhimin gjatë fushatës zgjedhore dhe ditës së zgjedhjeve, duke vlerësuar se puna e tyre ka qenë vendimtare për rezultatin e arritur nga partia.
Megjithatë, fokusi i takimit ishte edhe organizimi i brendshëm i subjektit politik, me Vetëvendosjen që tashmë ka nisur përgatitjet për procesin zgjedhor brenda partisë.
HisariOnline – Më afër lajmit, vetëm e vërteta!
