Shefi i Misionit të OSBE-së në Kosovë, Gerard McGurk, vlerësoi mbarëvajtjen e procesit zgjedhor dhe theksoi se tani përgjegjësia u takon të zgjedhurve.
Gerard McGurk shtoi se OSBE-ja në Kosovë bën thirrje për formimin në kohë të institucioneve, si dhe për zgjedhjen e presidentit përmes dialogut dhe kompromisit.
Përmes një postimi në platformën X, McGurk uroi Komisionin Qendror të Zgjedhjeve për organizimin e procesit zgjedhor dhe kryetarin e LVV-së, Albin Kurti për rezultatin e arritur.
“Përgëzoj KQZ-në për organizimin me sukses të një procesi tjetër zgjedhor dhe Albim Kurtin për rezultatin e partisë së tij. Votuesit kanë folur, tash përgjegjësia u takon atyre që janë zgjedhur. OSBE bën thirrje për formimin në kohë të institucioneve dhe për zgjedhjen e Presidentit përmes dialogut dhe kompromisit”, ka shkruar ai në “X”.
HisariOnline – Më afër lajmit, vetëm e vërteta!
