Kandidati për deputet nga Lidhja Demokratike e Kosovës, Selman Kolgeci bashkë me kandidatët e tjerë të partisë nga Suhareka kanë vazhduar me takimet me qytetarët.
Kolgeci ka bërë të ditur se mbrëmë kanë vizituar fshatin Reshtan të Suharekës ku është shprehur se janë pritur në një atmosferë të ngrohtë e plot energji pozitive.
“Diskutuam hapur për sfidat, shqetësimet dhe idetë që qytetarët kanë për të ardhmen e vendit tonë”, ka shkruar ai.
Postimi i plotë:
Takimet tona me qytetarët e komunës sonë i vazhduam sonte në Reshtan, në një atmosferë të ngrohtë e plot energji pozitive, bashkë me kandidatët për deputet nga Lidhja Demokratike e Kosovës-Suharekë, dhe me kryetarin e degës, Dr. Ardian Shala, diskutuam hapur për sfidat, shqetësimet dhe idetë që qytetarët kanë për të ardhmen e vendit tonë.
I dëgjuam me vëmendje sugjerimet e tyre dhe pamë nga afër gatishmërinë e madhe për ndryshim, zhvillim dhe përfaqësim të denjë.
#113LDK
#SelmanKolgeci74
HisariOnline – Më afër lajmit, vetëm e vërteta!
