Kandidati për deputet nga radhët e Partisë Demokratike të Kosovës, Arben Gega ka qenë mysafiri i radhës i ftuar në emisionin “Fjala dhe Faktet” me Fadil Bytyçin në kuadër të HisariOnline.
Gega ka folur për fillimin e karrierës në politikë dhe arsyet e kandidimit si deputet nga PDK-ja.
“Me iu thënë të drejtën, u bë një kohë e gjatë që merrem me biznes, një kohë edhe si menaxher, si punëtor, si gjeneratat tona si kanë punu, si janë zhvillu këtu, rrethi familjar, shoqëria, njohuritë me shokët në politikë që janë sidomos në PDK, më ka tërheq politika dhe mendoj që prej sektorit të biznesit, Parlamentit të Kosovës i mungojnë njerëz sot që duhet me dhanë kontribut ma të madh, sepse ne jemi çdo ditë në terren, edhe jemi me hallet e qytetarëve çdo ditë, e dimë prej një punëtori të ndërtimtarisë, në punë të vrazhda, e deri te zyres, se çka i nevojitet Kosovës ma shumë, tregut t’punës ma shumë”, u shpreh Gega.
Më poshtë intervista e plotë:
HisariOnline – Më afër lajmit, vetëm e vërteta!
