Kanë përfunduar dy duelet e para gjysmëfinale të Kupës së Kosovës në futboll.
Ballkani është befasuar në ndeshjen e parë gjysmëfinale, duke u mposhtur pranë shikuesve të vet nga Dukagjini.
Skuadra nga Klina ka bërë një hap të madh drejt kalimin në finale, duke fituar me rezultat të thellë 3-0, ndërsa ndeshjen kthyese e pret në shtëpi.
Fitore të madhe ka arritur edhe skuadra e Ferizaj në udhëtim te Llapi.
Ferizajasit kanë triumfuar me rezultat 2-1, duke bërë gjithashtu një hap të madh drejt finales, teksa lojën kthyese e luan pranë shikuesve të vet.
Si Ballkani, po ashtu edhe Llapi, do t’u duhet shumë punë për të bërë në ndeshjet kthyese, për të përmbysur rezultatet e dueleve të para, në rast se duan kalimin në finale.
Ndeshjet kthyese zhvillohen më 22 prill.
HisariOnline – Më afër lajmit, vetëm e vërteta!
