Klubi futbollistik Ballkani ka njoftuar se ka siguruar shërbimet e qendërmbrojtësit brazilian, Bruno Oliveira, duke përforcuar kështu repartin defanziv për pjesën finale të sezonit.
Oliveira është 29-vjeçari dhe luan në pozitën e qendërmbrojtësit por që mund të aktivizohet edhe në krahun e majtë të mbrojtjes, njofton klubi portokalli.
Gjatë karrierës së tij, futbollisti ka luajtur në Brazil, Bosnje dhe Korenë e Jugut, duke qenë pjesë e klubeve si Shiroki Brijeg dhe Velezh, ndërsa së fundmi ishte pjesë e Gangwon FC.
“Me këtë transferim, skuadra shton eksperiencë dhe forcë në mbrojtje, në prag të objektivave të reja në kampionat dhe në kupë”, thuhet tutje në njoftim.
Më poshtë, postimi i plotë:
HisariOnline – Më afër lajmit, vetëm e vërteta!
