Ministrja e Drejtësisë, Donika Gërvalla ka thënë se zgjedhja e kryesuesit të ri të Këshillit Prokurorial i kontribuon zbatimit të reformës së nisur kohë më parë nga institucionet e Kosovës, për një shtet të së drejtës dhe një sistem prokurorial funksional.
Gërvalla ka thënë se pret që përbërja e re të kontribuojë me përgjegjësi në avancimin e mëtejshëm të reformës dhe në forcimin e sundimit të ligjit në vend.
“Shteti ligjor është realitet vetëm kur ligji e drejtësia sundon mbi çdo ndikim tjetër”, ka shkruar Gërvalla në Facebook.
Sipas ministres së Drejtësisë, shteti ligjor është realitet vetëm kur ligji e drejtësia sundon mbi çdo ndikim tjetër.
“Funksionalizimi i plotë i Këshillit Prokurorial është thelbësor për zbatimin dhe thellimin e reformës në drejtësi, si dhe për forcimin e pavarësisë, integritetit dhe llogaridhënies në sistemin prokurorial”, ka shkruar Gërvalla.
Arian Gashi është zgjedhur kryesues i Këshillit Prokurorial të Kosovës. Kjo pozitë deri sot funksiononte me Agron Qalajn si ushtrues detyre.
HisariOnline – Më afër lajmit, vetëm e vërteta!
