Sulmuesi anësor i Ballkanit, Almir Kryeziu është shpallur Ylli i Javës së 19-të në Superligën e Kosovës në futboll.
Kryeziu ishte kyç në fitoren e klubit të tij në udhëtim ndaj Gjilanit 2-1.
Ai u përfshi në të dy golat e Ballkanit, duke shënuar dhe asistuar, për ta ndihmuar klubin t’i marrë tre pikët e para të stinorit pranveror.
Pas kësaj ndeshje, Kryeziu tani ka regjistruar golin e shtatë si dhe asistin e tetë sezonal.
Pas pranimit të çmimit, ai u shpreh: “Kemi pasur përgatitje shumë të mira dhe kjo po shihet në fushë. Synimi ynë është i qartë dhe jemi të fokusuar ta vazhdojmë këtë rrugë!”
Ballkani ndodhet në kuotën e 39 pikëve, duke i prirë tabelës si lider me të paktën tre pikë pëpara nga përcjellësit.
HisariOnline – Më afër lajmit, vetëm e vërteta!
