Ish-deputeti i Lidhjes Demokratike të Kosovës (LDK), Agim Veliu ka bërë thirrje për reformim të menjëhershëm të degës së LDK-së në Podujevë, meqë siç thotë ai ndodhet në krizë të thellë politike dhe organizative.
Ai ka shkruar se kjo është thirrje për shpëtim politik të LDK-së dhe se heshtja dhe nënshtrimi përballë dështimit vetëm sa e thellojnë krizën dhe largojnë partinë nga qyqarët.
“Duke u angazhuar për proces transparent zgjedhor, nuk kërkoj privilegje, por shpreh gatishmërinë të kontribuoj me përvojën time politike në funksion të reformimit, unitetit dhe rikthimit të besimit të humbur. Partia nuk i përket një individi, apo një grupi të vogël. LDK është e anëtarëve dhe votuesve të saj. Nëse nuk ndryshojmë tani, humbjet vetëm do të vazhdojnë”, ka shkruar mes tjerash ai.
/HisariOnline/
