Shefi i Zyrës së Bashkimit Evropian në Kosovë, Aivo Orav bashkë me ambasadorët e BE-së dhe shefat e misioneve në Kosovë kanë takuar kryeministrin në detyrë, Albin Kurtin, në të cilin takim Orav thotë të kenë diskutuar për zhvillimet paszgjedhore.
Ai tha se vlerësson procesin zgjedhor, që sipas tij pasqyron një përkushtim të fortë ndaj parimeve demokratike, duke theksuar rëndësinë e formimit të shpejtë të qeverisë.
“Së bashku me ambasadorët e BE-së dhe shefat e misioneve në Kosovë, u takova me kryeministrin në detyrë Albin Kurti për të diskutuar zhvillimet paszgjedhore. Vlerësova procesin zgjedhor që pasqyron një përkushtim të fortë ndaj parimeve demokratike dhe theksova rëndësinë e formimit të shpejtë të qeverisë”, shkruan Orav.
/HisariOnline/
