Sot do të fillojë cikli i çerekfinaleve të Kupës së Kosovës në basketboll.
Në program për ditën e sotme janë dy ndeshje, me dy të tjera që luhen të enjten.
Dueli kryesor i ditës së sotme është padyshim ai mes Trepçës dhe Golden Eagle Yllit.
Ndeshja zhvillohet në “Minatori”, me fillim nga ora 18:45.
Te Golden Eagle Ylli ka ndryshime tashmë në roster, ku iu janë bashkuar skuadrës së fundi dy lojtarët, Scot Bamforth e Darious Hall, ndërsa janë larguar Larry Thomas e Joe Reece.
Dueli tjetër është ai mes Borës dhe Rahovecit, që po ashtu zhvillohet sot në orarin e njëjtë, nga ora 18:45.
/HisariOnline/
