KB Golden Eagle Ylli do ta mirëpresë sonte skuadrën e KB Bashkimit, në derbin ’04’ të javës së 12-të.
Ndeshja zhvillohet në palestrën “13 qershori” në Suharekë, me fillim nga ora 18:45.
Bashkimi pasi e nisi edicionin me 7 fitore radhazi, tani është në një seri prej katër humbjeve radhazi në superligë, duke humbur edhe pozitën e liderit dhe rënë aktualisht në vendin e tretë.
Golden Eagle Ylli ndërkohë renditet e fundit në tabelë aktualisht me 14 pikë, me vetëm tri fitore, krahas 8 humbjeve.
Tifogrupi ‘Xhebrailat’ kanë konfirmuar prezencën e tyre në këtë përballje, për ta përkrahur masovisht klubin e tyre, i cili aktualisht është duke luftuar për të gjetur formën e mirë.
/HisariOnline/
