Policia e Kosovës ka njoftuar se është duke hetuar vdekjen e një burri në Prizren, i cili të dielën është gjetur pa shenja jete brenda një lokali.
Sipas policisë, rasti është raportuar më 8 dhjetor 2025.
“Viktima mashkull është gjetur në një lokal pa shenja jete. Ekipi i emergjencës ka dalë në vendngjarje dhe ka konstatuar vdekjen e tij”, thuhet në raportin e PK-së.
Me urdhër të prokurorit, trupi i pajetë është dërguar në Institutin e Mjekësisë Ligjore për obduksion.
/HisariOnline/
