Kryeministri Albin Kurti ka zhvilluar sot një takim në Kampin “Film City” në Prishtinë me Komandantin e misionit paqeruajtës të KFOR-it, Gjeneral Major Özkan Ulutaş.
Në këtë vizitë, Kurtin e shoqëronin ministri Ejup Maqedonci dhe ministri Elbert Krasniqi.
Sipas njoftimit të publikuar nga KFOR në Facebook, gjatë takimit palët “shkëmbyen pikëpamje mbi forcimin e bashkëpunimit midis KFOR-it dhe institucioneve të Kosovës”.
Gjenerali Ulutaş ka riafirmuar se KFOR mbetet i përkushtuar ndaj stabilitetit dhe sigurisë në vend, duke theksuar “angazhimin e palëkundur të KFOR-it për të vazhduar të kontribuojë në sigurinë në të gjithë Kosovën dhe rajonin e gjerë”.
/HisariOnline/
