KB Golden Eagle Ylli udhëton në Karagaçi këtë vikend, për t’u përballur me skuadrën e Pejës në xhiron e 9-të të Prince Caffe Superligës së Kosovës në basketboll.
KB Golden Eagle shkon në palestrën “Karagaçi” të dielën, me ndeshjen që luhet nga ora 19:30.
Golden Eagle Ylli, të cilët i dhanë fund një serie prej katër humbjeve radhazi në mesjavë, duke e mposhtur KB Prishtinën në Suharekë, do të kërkojnë fitoren e dytë me radhë dhe të tretën në përgjithësi në kampionat këtë sezon.
Jeronimo Sarin debutoi me një fitore të madhe ndaj kryeqytetasve të mërkurën, andaj skuadra e tij do të përballet me një tjetër test serioz të dielën.
Peja ka vendin e dytë në tabelë me 14 pikë, duke fituar gjashtë ndeshje e humbur dy, ndërsa Ylli ndodhet aktualisht në pozitën e 6-të me 10 pikë, me dy fitore e gjashtë disfata.
/HisariOnline/
