Komisioni Qendror Zgjedhor në mbledhjen e sotme ka miratuar planin e buxhetit të planifikuar për zgjedhjet e jashtëzakonshme të 28 dhjetorit.
Bashkë me amendamentin e propozuar nga anëtarët e PDK-së në KQZ, është arritur edhe miratimi.
Arianit Elshani dhe Ilir Gashi para se të hidhej në votim plani, insistuan që fletëvotimet të dërgohen në diasporë origjinale, ashtu siç e parasheh rregullorja.
Pas diskutimeve të njëpasnjëshme, buxheti është miratuar me gjashtë vota për, kurse kundër ishin anëtarët e Vetëvendosjes në KQZ, si edhe vetë kreu i Komisionit , Kreshnik Radoniqi.
Ky institucion dje nuk arriti ta miratonte buxhetin prej 7 milionë e 771 eurove, të planifikuar për zgjedhjet e parakohshme nacionale, pas përplasjeve mes anëtarëve, diskutime këto që vazhduan edhe sot.
/HisariOnline/
