Gjykata Supreme ka njoftuar se ka shqyrtuar të gjitha ankesat të paraqitura kundër vendimeve të Panelit Zgjedhor për Ankesa dhe Parashtresa (PZAP), lidhur me zgjedhjet e parakohshme të 28 dhjetorit 2025.
Ankesat u pranuan më 5 janar 2026, pas shpalljes së rezultateve përfundimtare nga Komisioni Qendror i Zgjedhjeve, dhe gjatë ditës pritet të përfundojë përpilimi i vendimeve dhe dërgimi i tyre tek palët e përfshira.
Në total janë shqyrtuar gjashtë ankesa administrative.
“1 ankesë administrative, kundër vendimit të PZAP-së, nga Partia Rome e Bashkuar e Kosovës. 1 ankesë administrative, kundër vendimit të PZAP-së, nga Koalicioni PAI-PDAK-LPB 1 ankesë administrative, kundër vendimit të PZAP-së, nga Emilia Rexhepi (NDS) 1 ankesë administrative, kundër vendimit të PZAP-së, nga Partia e Re Demokratike (Nova Demokratski Stranka-NDS), Prizren. 2 ankesa administrative, kundër vendimve të PZAP-së, nga Bekim Haxhiu”, thuhet nga Supremja.
Gjykata ka bërë të ditur se do t’i njoftojë palët me kohë për mënyrën e vendosjes së këtyre ankesave. Nëse edhe Supremja i refuzon, atëherë i hapet rruga certifikimit të rezultateve.
HisariOnline – Më afër lajmit, vetëm e vërteta!
