Kreu i Aleancës për Ardhmërinë e Kosovës (AAK), Ramush Haradinaj, ka shprehur mbështetjen për marshin e paralajmëruar më 17 shkurt në mbrojtje të ish-krerëve të Ushtrisë Çlirimtare të Kosovës (UÇK).
Përmes një postimi në Facebook, Haradinaj ka theksuar se qëndrimi i tij mbetet i pandryshuar.
“Qëndrojmë gjithmonë në të drejtën e luftës sonë për liri”, ka shkruar ai.
Ndërkohë, platforma “Liria ka Emër” ka njoftuar se më 17 shkurt, në orën 14:00, do të organizohet një marsh protestues në sheshin “Skënderbeu” në Prishtinë, me moton “Drejtësi, jo politikë”.
Organizatori i platformës, Ismail Tasholli, ka bërë thirrje për mobilizim mbarëkombëtar, duke ftuar qytetarët që të marrin pjesë në protestën që ka për qëllim kërkesën për lirimin e ish-krerëve të UÇK-së.
HisariOnline – Më afër lajmit, vetëm e vërteta!
