Prokuroria Themelore në Gjilan, në bashkëpunim me Policinë e Kosovës, ka arrestuar A.I., i dyshuar për veprën penale kanosje.
Sipas hetimeve, më 30 janar 2026, rreth orës 14:30, pas një seance gjyqësore në Gjykatën Themelore – Dega në Viti, i dyshuari i është drejtuar në mënyrë kërcënuese ekipit të Gazetës Nacionale dhe monitoruesit të organizatës Betimi për Drejtësi, veprime të cilat janë dokumentuar nga kamerat e sigurisë.
Pasi ishte i paarritshëm fillimisht, i dyshuari u vu në kërkim policor dhe u arrestua më 3 shkurt 2026.
Pas intervistimit, Prokuroria vendosi të mbajë A.I. në ndalim 48-orësh për veprën penale të kanosjes.
Prokuroria do të vendosë brenda afateve ligjore për masën e sigurisë ndaj të dyshuarit.
HisariOnline – Më afër lajmit, vetëm e vërteta!
