Irani ka paraqitur një propozim për të hequr kufizimet në Ngushticën e Hormuzit pa e trajtuar programin e tij bërthamor, sipas dy zyrtarëve rajonalë të cituar nga mediat ndërkombëtare.
Sipas tyre, propozimi është diskutuar në bisedime të mbyllura dhe është transmetuar në Shtetet e Bashkuara të Amerikës përmes Pakistanit.
Në të njëjtën kohë, ministri i Jashtëm i Iranit ka zhvilluar një vizitë në Rusi, ku ka deklaruar se takimi shërben për konsultime lidhur me luftën me Izraelin dhe SHBA-në.
Sipas burimeve siç raporton The Guardian, Irani kërkon gjithashtu që SHBA të heqë bllokadën ndaj vendit si pjesë e marrëveshjes së propozuar.
Megjithatë, ky plan nuk pritet të mbështetet nga presidenti amerikan Donald Trump, i cili ka deklaruar se çdo marrëveshje duhet të përfshijë edhe ndalimin e programit bërthamor iranian, si dhe hapjen e Ngushticës së Hormuzit.
Trump ka thënë më herët se SHBA ka “të gjitha kartat” dhe se Irani mund të kontaktojë Uashingtonin nëse dëshiron bisedime.
HisariOnline – Më afër lajmit, vetëm e vërteta!
