Mbi 100 persona dyshohet se kanë humbur jetën pas shembjes së një miniere artizanale ari në fshatin Zamboye, në Republikën e Afrikës Qendrore.
Ngjarja ndodhi pranë kufirit me Kamerunin, ndërsa ekipet e shpëtimit po kërkojnë personat që dyshohet se kanë mbetur të bllokuar nën rrënoja. Numri i viktimave pritet të rritet, pasi shumë persona rezultojnë ende të zhdukur.
Pamjet nga vendi i ngjarjes tregojnë minatorë të mbuluar me baltë duke nxjerrë trupat e viktimave nga zona e shembur, ndërsa të tjerë kërkojnë të mbijetuar, transmeton Daily Star, transmeton Hisarionline.net.
Autoritetet thanë se shembja dyshohet të jetë shkaktuar nga shembja e disa tuneleve nëntokësore, ndërsa ka nisur hetimi për të përcaktuar shkaqet dhe përgjegjësit.
Minatorët besohet se ishin nga Republika e Afrikës Qendrore dhe Kameruni. Autoritetet kamerunase kanë konfirmuar se të paktën tre shtetas të tyre janë në mesin e viktimave.
Një përfaqësues i këshillit rinor të Zamboyes, Bertrand Be Yangue, tha se gjetja e të mbijetuarve do të ishte “një mrekulli”.
