Një grua është gjetur e vdekur të premten te “Ura e Fshajt” në Gjakovë.
Trupi i saj është nxjerrë nga Zjarrfikësit dhe në vendin e ngjarjes ka dalë edhe Policia e Kosovës, raporton Hisarionline.net.
Organet e Rendit në këtë komunë, kanë njoftuar se trupi i pajetë është gjetur në lumin Drini i Bardhë, në afërsi të urës.
Vdekja e viktimës është konstatuar nga personeli mjekësor në vendin e ngjarjes.
Po ashtu është bërë e ditur se në konsultim me Prokurorin e Shtetit, është iniciuar rasti “Hetim i vdekjes”.
