Kryeministri në detyrë i Kosovës, Albin Kurti ka njoftuar se partisë së tij i është shtuar ish-nënkryetarja e Lidhjes Demokratike të Kosovës, Shqipe Mjekiqi.
“Në ekipin tim si Kryeministër, nga sot u bashkua Shqipe Mjekiqi, për të kontribuar me ekspertizën e saj në politikë të jashtme dhe marrëdhënie ndërkombëtare. Ishte kënaqësi të bashkëbisedojmë mbi nevojat e Kosovës në rrugën e saj drejt anëtarësimit në BE dhe NATO, të arriturat tona socio-ekonomike dhe vlerat demokratike, zhvillimet politike në vendin tonë e në rajon dhe situatën e sigurisë”, ka shkruar Kurti në Facebook.
Tutje, Kurti shtoi se Shqipe Mjekiqi ka një përvojë të gjatë profesionale në institucionet publike të Republikës së Kosovës në fushën e integrimit evropian dhe çështjeve të sigurisë.
Postimi i plotë:
HisariOnline – Më afër lajmit, vetëm e vërteta!
