Pas takimit konsultativ me ushtruesen e detyrës së presidentit, Albulena Haxhiu, përfaqësuesit e partive politike kanë bërë të ditura qëndrimet e tyre lidhur me datën e zgjedhjeve të reja.
Kryetari i Partisë Demokratike të Kosovës, Bedri Hamza, ka deklaruar se PDK është e gatshme për të dyja datat dhe se nuk ka pasur ndonjë propozim specifik.
Jehona Lushaku-Sadriu nga LDK-ja deklaroi se kjo parti ka propozuar 7 qershorin si datë për mbajtjen e zgjedhjeve.
Ndërkohë, nga Aleanca për Ardhmërinë e Kosovës, Ardian Gjini ka bërë të ditur se shumica e partive politike janë pajtuar për datën 7 qershor.
“Shumica e partive propozuan 7 qershorin dhe ne u pajtuam”, ka deklaruar Gjini.
HisariOnline – Më afër lajmit, vetëm e vërteta!
