Tri familje në lagjen Kodra e Trimave në kryeqytet janë evakuuar nga Drejtoria për Siguri dhe Emergjenca, si pasojë e vërshimeve të fundit.
Në njoftimin e komunës theksohet se familjet janë sistemuar përkohësisht dhe Drejtoria për Siguri dhe Emergjenca do të mbulojë pagesën e qirasë deri në renovimin e plotë të shtëpive të tyre si pasojë e vërshimeve.
“Sot, Kryqi i Kuq i Kosovës, në bashkëpunim me DSE, ka realizuar shpërndarjen e pakove ushqimore dhe higjienike për këto familje”, thuhet në njoftim.
/HisariOnline/
