Kompania Rajonale e Ujësjellësit “Mitrovica” ka njoftuar qytetarët se impiantet e trajtimit të ujit kanë rifilluar funksionimin pas krijimit të kushteve të nevojshme.
Megjithatë, sipas njoftimit të tyre uji nuk është i pijshëm.
“Pas ndërprerjes së operimit, impiantet e trajtimit të ujit tani janë në funksion, por deri në njoftimin e radhës, rekomandohet që uji të përdoret vetëm për nevoja higjienike dhe sanitare, jo për pije”, thuhet në njoftimin e KRU-së.
Qytetarët apelohet të respektojnë udhëzimet e institucionit për të shmangur çdo rrezik shëndetësor.
/HisariOnline/
