Policia e Kosovës ka arrestuar një person të dyshuar, i cili ishte në kërkim nga autoritetet e Maqedonisë së Veriut.
Sipas njoftimit të Policisë së Kosovës, Drejtoria për Bashkëpunim Ndërkombëtar Policor, përkatësisht njësiti FAST, në bashkëpunim dhe koordinim me njësitet e Policisë Kufitare, ka identifikuar dhe arrestuar personin e dyshuar rreth orës 00:30 të datës 2 janar 2026.
I arrestuari është shtetas turk dhe ishte i kërkuar nga autoritetet e Maqedonisë së Veriut për veprën penale “Vrasje”, e cila dyshohet se ka ndodhur një ditë më herët në qytetin e Shkupit.
Me urdhër të prokurorit kompetent, personi i arrestuar është dërguar në ndalim policor për 48 orë, ndërsa ndaj tij do të vazhdojnë procedurat e mëtejme ligjore, në bashkëpunim me autoritetet përkatëse ndërkombëtare.
/HisariOnline/
