I dërguari i Bashkimit Evropian për dialogun mes Kosovës dhe Serbisë, Peter Sorensen, ka zhvilluar vizitë në Beograd, ku është takuar me udhëheqësit kryesorë shtetërorë të Serbisë.
Gjatë qëndrimit të tij, ai u takua me presidentin Aleksandar Vuçiq dhe me përfaqësuesin e palës serbe në dialog, Petar Petkoviq, në kuadër të përpjekjeve për të vazhduar procesin e ndërmjetësuar nga BE-ja.
Pas këtyre takimeve, Sorensen ndau një mesazh publik, duke theksuar se ka pasur lëvizje në diskutimet mes palëve.
“Takime të mira me presidentin e Serbisë, Aleksandar Vuçiq, dhe kryenegociatorin Petar Petkoviq, duke avancuar diskutimet për çështjet kyçe të dialogut dhe duke shqyrtuar progresin në zbatimin e Ligjit për të Huajt. U pajtuam për nevojën që të mbetemi të angazhuar dhe të punojmë së bashku për përfitime konkrete për të gjithë”, tha ai në postimin e tij.
Good meetings with @predsednikrs @avucic and Chief Negotiator @PetkovicPetar advancing discussions on key Dialogue issues and reviewing progress on implementing the Law on Foreigners. Agreed on the need to stay engaged and work together for concrete benefits for all. pic.twitter.com/fGASKsPmtu
— EUSR for Belgrade-Pristina Dialogue (@EUSR_Dialogue) April 9, 2026
HisariOnline – Më afër lajmit, vetëm e vërteta!
