Presidentja e vendit, Vjosa Osmani, ka përmbyllur mandatin e saj pesëvjeçar, teksa nëpërmjet një postimi ka falënderuar qytetarët.
Osmani ka theksuar se periudha e saj në krye të shtetit nuk ishte rrugëtim individual, por një përpjekje e përbashkët me qytetarë dhe bashkëpunëtorë nga fusha të ndryshme.
“Këto pesë vite nuk kanë qenë historia e një njeriu të vetëm. Kanë qenë rrugëtimi ynë i përbashkët”, ka shkruar ajo, duke shtuar se shumë njerëz kanë kontribuar në avancimin e ideve dhe krijimin e mundësive për qytetarët e Kosovës.
Ajo ka falënderuar të gjithë ata që, sipas saj, besuan dhe qëndruan të angazhuar për vendin.
“Këto pesë vite nuk kanë qenë historia e një njeriu të vetëm. Kanë qenë rrugëtimi ynë i përbashkët. Me njerëz nga çdo fushë, që besuan në Kosovën. Që punuan, kontribuuan dhe shtynë përpara ide e mundësi për qytetarët tanë. Faleminderit që qëndruat me ne e për Kosovën tonë të përjetshme”, ka shkruar Osmani.
Postimi i Osmanit vjen në ditën kur ajo i dorëzon mandatin kryetares së Kuvendit, Albulena Haxhiu, duke shënuar përfundimin zyrtar të detyrës së saj si presidente e vendit.
HisariOnline – Më afër lajmit, vetëm e vërteta!
