Sekretari i Mbrojtjes Pete Hegseth nuk e mohoi sot një raport lajmesh se Pentagoni i ka kërkuar Shtëpisë së Bardhë të miratojë një kërkesë financimi prej më shumë se 200 miliardë dollarësh drejtuar Kongresit për luftën e Iranit.
“Mendoj se ky numër mund të ndryshojë. Duhen para për të vrarë të këqijtë”, u tha Hegseth gazetarëve kur u pyet për kërkesën, e cila u raportua nga Washington Post.
“Pra, po kthehemi te Kongresi dhe njerëzit tanë atje, për t’u siguruar që financohemi siç duhet për atë që është bërë, për atë që mund të na duhet të bëjmë në të ardhmen, për të siguruar që municionet tona janë, gjithçka të rimbushet dhe jo vetëm të rimbushet, por përtej çdo gjëje”, është shprehur ai.
Hegseth shtoi se shuma e kërkuar “mund të ndryshojë”.
Ndërkohë, një zyrtar i lartë i administratës i tha gazetës Washington Post se disa zyrtarë të Shtëpisë së Bardhë nuk mendojnë se kërkesa e Pentagonit prej më shumë se 200 miliardë dollarësh mund të miratohet realisht në Kongres. Shtëpia e Bardhë në fund të fundit do të duhet të marrë vendimin se sa do të kërkojë nga Kongresi.
HisariOnline – Më afër lajmit, vetëm e vërteta!
