Kryeministri i Izraelit, Benjamin Netanyahu, ka deklaruar se Izraeli mbështet bllokadën detare të SHBA-së ndaj porteve të Iranit.
Në një video drejtuar kabinetit qeveritar, Netanyahu tha se vendimi i presidentit amerikan Donald Trump për vendosjen e bllokadës është një qëndrim i fortë që Izraeli e mbështet plotësisht.
Ai bëri të ditur gjithashtu se ka zhvilluar një bisedë telefonike me zëvendëspresidentin amerikan JD Vance, pas përfundimit të bisedimeve me Iranin.
Sipas Netanyahut, Vance e ka informuar në detaje për zhvillimet në negociata, duke theksuar se çështja kryesore mbetet eliminimi i materialit të pasuruar bërthamor dhe ndalimi i mëtejshëm i pasurimit.
Kryeministri izraelit shtoi se çdo pretendim për mospajtime mes SHBA-së dhe Izraelit është i pavërtetë, duke theksuar se bashkëpunimi mes dy vendeve mbetet i fortë.
HisariOnline – Më afër lajmit, vetëm e vërteta!
