Këshilli i Sigurimit të Kombeve të Bashkuara, po zhvillon një takim urgjent për situatën në Lindjen e Mesme, ku pritet të hidhet në votim një projektrezolutë që synon rihapjen e Strait of Hormuz.
Rezoluta është paraqitur nga Bahrain dhe përfshin një propozim për lejimin e “veprimeve mbrojtëse” me qëllim rivendosjen e rrjedhës së transportit detar në këtë rrugë strategjike, e cila është jetike për tregtinë globale të energjisë.
Ngushtica e Hormuzit konsiderohet një nga korridoret më të rëndësishme detare në botë, përmes së cilës kalon një pjesë e madhe e furnizimit global me naftë.
Çdo ndërprerje e qarkullimit në këtë zonë ka pasoja të menjëhershme në tregjet ndërkombëtare.
Takimi vjen në një moment tensionesh të shtuara në rajon, ndërsa komuniteti ndërkombëtar kërkon mënyra për të shmangur përshkallëzimin e mëtejshëm dhe për të garantuar sigurinë e lundrimit në këtë pikë kyçe.
HisariOnline – Më afër lajmit, vetëm e vërteta!
