Ish-ministri i jashtëm dhe deputeti i PDK-së, Enver Hoxhaj ka bërë të ditur se ka zhvilluar sot një takim me Jens Stoltenberg, Ministër i Financave të Norvegjisë dhe ish-Sekretar të Përgjithshëm të NATO-s, gjatë Konferencës për Siguri në Munich.
Në një postim në rrjetet sociale, Hoxhaj ka publikuar një fotografi me Stoltenberg, në Konferencën e Sigurisë në Munich.
“Sot takova Jens Stoltenberg në Konferencën për Siguri në Munich, Ministër i Financave i Norvegjisë. Bashkëpunimi ynë ka nisur kur ai ishte Sekretar i Përgjithshëm i NATO-s. Jemi takuar disa herë dhe Stoltenberg ka qenë gjithmonë mbështetës i aspiratave Euroatlantike të Kosovës, përfshirë synimin e vendit për anëtarësim në NATO.”, ka shkruar Hoxhaj.
HisariOnline – Më afër lajmit, vetëm e vërteta!
