KRU Hidroregjioni Jugor SHA ka dalë me një njoftim të ri pas defektit të një gypi në një rrugë të qytetit të Suharekës mbrëmë, ku për pasojë banorët e asaj rruge kanë mbetur pa furnizim me ujë.
Përmes një njoftimi, bëhet e ditur se ekipet janë tashmë në terren duke punuar intensivisht për sanimin e problemit, që të rikthehet sa më shpejt furnizimi me ujë.
“Punimet janë në zhvillim dhe po realizohen me kujdes të shtuar për shkak të afërsisë me objekte banimi”, thuhet në njoftim.
Pa furnizim me ujë vazhdojnë të mbesin rruga “Brigada 123” dhe rrugët sekondare që lidhen me këtë rrugë.
Njoftimi i plotë:
NJOFTIM PËR KONSUMATORËT
E SUHAREKËS
Të nderuar konsumatorë,
Duke u bazuar në njoftimin e mëparshëm, ju informojmë se ekipet tona janë duke punuar intensivisht dhe po bëjnë të pamundurën për të sanuar defektin në gypin kryesor fi 225 mm, i cili furnizon qytetin e Suharekës, me qëllim të rikthimit sa më të shpejtë të furnizimit me ujë.
Punimet janë në zhvillim dhe po realizohen me kujdes të shtuar për shkak të afërsisë me objekte banimi.
Pa furnizim me ujë vazhdojnë të mbesin:
📍Rruga “Brigada 123”
📍Rrugët sekondare që lidhen me këtë rrugë
Ju falënderojmë për mirëkuptimin dhe durimin tuaj.
Do t’ju mbajmë të informuar për çdo përditësim të radhës.
/HisariOnline/
