Drejtori rajonal i Policisë së Kosovës në Prizren, Faton Alija, ka thënë se Policia është në koordinim me Shërbimin Korrektues për t’i sistemuar të 109 arrestuarit nga Policia pas manipulimeve me vota në Prizren.
“Nuk kemi asnjë person e zyrtar policor të lënduar, asnjë dëmtim të automjeteve. Deri në këto momente gjithçka ka shkuar në rregull. Ka pasur pyetje dhe interesime për hapësira të mundshme rreth sistemimit të personave të ndaluar. Në koordinim me Shërbimin Korrektues është gjetur hapësirë e mjaftueshme dhe të gjithë do të sistemohen siç janë paraparë me procedura penale”, deklaroi Alija.
/HisariOnline/
