Kryeministri në detyrë, Albin Kurti, ka shkruar për katër njohjet që Kosova pranoi brenda vitit 2025.
Ai tha se katër njohjet e reja janë sukses i shtetit dhe Republikës, ndërsa u shpreh se hera e fundit kur kjo kishte ndodhur, ishte më shumë se një dekadë më parë.
“Katër njohje brenda një viti. Hera e fundit kur kjo kishte ndodhur ishte para më shumë se një dekade. Njohjet e reja dhe fuqizimi i subjektivitetit ndërkombëtar janë sukses i shtetit dhe Republikës. Edhe më të rëndësishme këto njohje i bën fakti se ato erdhën pas një kohe kur më shumë flitej për rrezikun nga të ashtuquajtura çnjohje sesa për mundësitë e njohjeve të reja. Lajmet e mira për vendin janë lajme të mira për të gjithë qytetarët.”
Kosovën së fundi e kanë njohur Kenia, Siria, Sudani dhe Bahamas.
/HisariOnline/
